ਪਰਚੀ ਕਟਵਾਉਣ ਦੇ ਚੱਕਰ 'ਚ ਆਪਣੇ ਤੇ ਪਰਚਾ ਹੀ ਪਵਾ ਲਿਆ। ਮਾਮਲਾ ਬਟਾਲੇ ਦਾ ਹੈ ਜਿੱਥੇ ਕਬੱਡੀ ਦੇ ਖਿਡਾਰੀ ਜਰਮਨਜੀਤ ਸਿੰਘ 'ਤੇ ਇੱਕ ਸਾਬਕਾ ਫੌਜੀ ਵਲੋਂ ਫਾਇਰਿੰਗ ਕੀਤੀ ਗਈ ਹੈ | ਦੱਸਦੇਈਏ ਕਿ ਜਰਮਨਜੀਤ ਸਬਜ਼ੀ ਮੰਡੀ ਵਿੱਚ ਸਬਜ਼ੀ ਲੈਣ ਗਿਆ ਸੀ ਜਿੱਥੇ ਉਸਦੀ ਮੰਡੀ ਦੀ ਪਾਰਕਿੰਗ ਦੇ ਠੇਕੇਦਾਰ ਮਨਜੀਤ ਸਿੰਘ ਵਲੋਂ ਪਰਚੀ ਕਟਵਾਉਣ ਲਈ ਖਿਡਾਰੀ ਜਰਮਨਜੀਤ ਸਿੰਘ ਨੂੰ ਕਿਹਾ ਗਿਆ | ਪਰ ਜਰਨਮਨਜੀਤ ਨੇ ਇਹ ਕਹਿ ਕੇ ਪਰਚੀ ਕਟਵਾਉਣ ਤੋਂ ਮਨਾ ਕਰ ਦਿੱਤਾ ਕਿ ਉਹ ਸਬਜ਼ੀ ਘਰ ਵਾਸਤੇ ਲੈ ਕੇ ਚੱਲਾ ਹੈ ਨਾ ਕਿ ਵੇਚਣ ਲਈ | ਇਸਦੇ ਚਲਦੇ ਹੀ ਉਨ੍ਹਾਂ ਦੋਨਾਂ ਦੀ ਆਪਸ 'ਚ ਬਹਿਸ ਹੋ ਗਈ, ਜਿਸ ਤੋਂ ਬਾਅਦ ਮਨਜੀਤ ਨੇ ਕਬੱਡੀ ਖਿਡਾਰੀ ਦੇ ਗੋਲੀ ਮਾਰ ਦਿੱਤੀ | ਹਾਲਾਂਕਿ ਜਾਨੀ ਨੁਕਸਾਨ ਨਹੀਂ ਹੋਇਆ ਹੈ | ਪੁਲਿਸ ਨੇ ਮਨਜੀਤ ਸਿੰਘ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ |
